محشي بالبرغل على الطريقة الحلبية

المقادير :
2 كيلو باذنجان .
3 قرون فليفلة حمراء .
باقة بقدونس مفروم فرم ناعم .
5حبات بندورة + 1ملعقة دبس بندورة .
2 ملعقة كبيرة دبس فليفلة .
2 ملعقة كبيرة سمنة .
ملعقة كبيرة نعناع يابس .
بصلة مفرومة ناعم .
نص كوب كبير حمص منقوع قبل بليلة ومسلوق .
فنجان صغير دبس رمان .
ربع كيلو لحمة مفرومة ناعمة .
كوب برغل خشن .
ملح ، بهار .

مرقة المحشي :

6 ملاعق كبيرة دبس بندورة .
ماء لغمر الباتنجان .
توم مهروس ملعقة كبيرة .
حمض ليمون .
ملح .

طريقة التحضير :
نحفر الباذنجان .
نغسل الخضرة بشكل جيد ، ونفرم البقدونس والنعناع والبندورة .
يقلب البرغل على النار قليلا مع ملعقتين سمنة ثم نطفي النار ونقوم باضافة الحمص ودبس الرمان ورشة الملح وبهار ، ثم تضاف الخضار ” البندورة ، دبس الفليفلة ، الفليفلة الخضرة ، البقدونس ،
النعناع ” .
تضاف اللحمة ، ونقلب المكونات مع بعضها ويتم الحشو تحشى حبات الباذنجان مع الضغط الجيد حتى تمتلئ بشكل كامل .
ترتب حبات الباذنجان في الطنجرة فوق عظام الخاروف التي تكون في أسفل الطنجرة .
نذوب دبس البندورة في الماء ويضاف الى المحشي .
يضاف النعناع والثوم المدقوق ونضيف عصير ليمون او عصير الحصرم للمرقة وقليل من دبس الرمان .
ونضع كمية كافية من الماء حتى يتغمر المحشي نضع صحن مسطح فوق المحشي ويثقل بحجرة المحشي أو أي شي حتى لا يخرج الحشو من المحشي .
يوضع المحشي على النار على حرارة متوسطة حتى يغلي وبعدها نهدي النار تحته ويترك على النار حتى ينضج ، وصحتين وعافية .