المغمومة الحلبية

المغمومة الحلبية

مقادير المغمومة الحلبية :
باقة سبانخ حوالي 1 كغ .
كاستين برغل خشن .
نص باقه بقدونس .
ملعقة طعام نعناع يابس .
ملعقتين طعام كزبره يابسه .
راس توم كامل مقشر ومهروس مع الملح .
كاسة زيت زيتون .

الطريقه :
منسلق البرغل في كميه مبحبحه من الماء ( واحد برغل لـ 2 ماء ) على نار هاديه مع رشة ملح .
بعد ما انسلق البرغل واستوى علاخير .
منحط فوقو السبانخ المفروم والمغسول والمصفى .
نتركهم على نار لطيفه ومنضل عم نحرك لحتى يختر المزيج ، يعني يصير قوامو على سماكه اتره (متل الحبوب ) .
منضيف البقدونس المخسول والمفروم والتازه ومنضل عم نحرك .
ثم نضع النعناع اليابس ونستمر بالتحريك .
أخيرا نضيف للخليط السابق نصف كأس زيت زيتون ونستمر بالتحريك قليلاً .

الكويه :
في نصف كاسة زيت زيتون منقلب التوم المهروس حتى يصير بلون زهري ، ثم نضيف الكزبره اليابسه . تحريكه صغيره وتصبح جاهزة .
نسكب المغمومه بالصحن ونضيف عليها الكويه .
يقدم معها الفجل والبصل الاخضر والف صحة وهنا .